پر ټولنیزو شبکو د رسنیو د ازادۍ لپاره موثره اواز پورته کېږي: خبریالان
د مشال تر رڼا لاندې بحث کې مو په پاکستان کې د رسنیو ازادۍ پر موضوع بحث کړی دی. دا په داسې حال کې ده چې ازاد خبریال مطیع الله جان د جولای پر ۲۱مه تر تښتول کېدو ۱۲ ساعته وروسته خوشې شو. پولیس وايي، د پېښې پلټنې کوي. دا پېښه خبریالانو د رسنیو پر ازادۍ ګوزار بللې او همداراز وايي، رسنۍ هغو اوازونو ته ځای نه ورکوي چې پکې پر حکومت یا امنیتي ادارو نیوکې شوې وي. خو د پاکستان حکومت په بیا بیا ویلي چې په هېواد کې رسنۍ له پوره ازادۍ برخمنې دي. په اوونیز بحث کې د پاکستان د خبریالانو سازمان – فېډرل یونیین اف جرنلېسټس- مشر شهزاده ذوالفقار او انګرېزي ورځپاڼې "لیډ پاکستان" مدیر عمر فاروق اعظم مېلمانه دي. خپرونه د غږ په ځای کې واورئ.