د ایران په اټومي تړون کې شاملو پاتې غاړو ویلي چې دوی دې تړون ته د امریکا د ممکنه ستنېدو لپاره تیاري کوي.
دا خبره د جرمني، فرانس، برتانیا، چین، روس او ایران د بهرنیو چارو وزیرانو تر یو انلان غونډې وروسته په شریک بیان کې کړې ده.
دوی ویلي، تیار دي چې په مثبته توګه دې تړون ته د امریکا ستنېدو ته لاره هواره کړي.
د امریکا منتخب ولسمشر جو بایډن ویلي، دی به هڅه کوي چې بیرته په دې تړون کې شامل شي.
دا تړون په ۲۰۱۵ز کال کې هغه مهال شوی وو چې دی د امریکا مرستیال ولسمشر وو.
خو اوسني ولسمشر ډونلډ ټرمپ په ۲۰۱۸ز کال کې امریکا له دې تړون څخه واېسته او پر ایران یې بیا بندیزونه ولګول.
