کرزی اوس هم د ټول-شموله حکومت لپاره کار کوي
د افغانستان پخوانی ولسمشر حامد کرزی وايي، طالبان اوسمهال سرپرسته کابینه لري او دی هیله من دی چې د ټول-شموله کولو لپاره به یې اقدامات وکړي. نوموړي له مشال راډیو سره په ځانګړې مرکه کې د نړیوالې ټولنې له لوري د افغانستان د نوي حکومت په رسمیت پېژندل هم مهم بللي او وايي چې ټول افغانان باید په دې لړ کې هڅې وکړي او د نړیوالو مرستې ترلاسه کړي. کرزي په پنجشېر کې پر جګړې خواشیني ښوولې او وايي، هیله لري چې په راتلونکې کې نوره جګړه و نه شي. اجمل اند له پخواني ولسمشر حامد کرزي پوښتلي چې اوس په کابل کې په کومو هڅو بوخت دی او له طالب مشرانو سره په لیدنو کې پر څه بحث کوي؟