په افغانستان کې د طالبانو سرپرست حکومت د اقتصادي حالت د ښه کېدو لپاره یوازې په افغانیو د مالي راکړې ورکړې سپارښتنه کړې ده.
د طالبانو د مطبوعاتي ډلې غړي، بلال کریمي د نومبر پر دویمه شپه په یوه اعلامیه کې ویلي، ملي ګټو ته کتو باید ټول افغانان په هره راکړه ورکړه کې افغانۍ سیکه وکاروي.
طالبانو له افغانانو، سوداګرو او کسبګرو هم غوښتنه کړې چې هر ډول راکړه ورکړه په افغانۍ ترسره او د بهرنۍ سیکې (کرنسۍ) له کارولو په کلکه ډډه وکړي.
دوی زياته کړې چې له سرغړوونکو سره به قانوني چلند کېږي. پر افغانستان د طالبانو د ولکې له ټینګولو وروسته د افغانستان د اقتصادي زوال ستونزه زیاته شوې ده.
