د عراق وزیراعظم مصطفا الخادمي پر کور د نومبر پر اوومه د بې پایلوټه الوتکې برید شوی چې پکې نوموړي ته ځاني زیان نه دی رسیدلی.
دا پېښه په داسې وخت کې شوې ده چې د ایران ملاتړ لرونکو ملېشو لخوا د تیرې میاشتې د پارلیماني انتخاباتو نتیجو ردولو پر سر ترنګلتیا پیدا شوې ده.
د عراقي وزیراعظم دفتر په یو بیان کې ویلي چې د بغداد په ګرین زون سیمه کې د وزیراعظم خادمي پر کور راکټي برید شوی دی چې دا د نوموړي د وژنې یوه ناکامه هڅه وه.
په ګرین زون کې زیاتره حکومتي ادارې او سفارتخانې دي.
د پېښې ذمه واري چا نه ده منلې. وزیراعظم خادمي پر ټویټر له خلکو د عراق لپاره د ارامه اوسیدو غوښتنه کړې ده. امریکا د پېښې غندنه کړې ده.
