په کراچۍ کې د پاکستان سوپر لیګ (پي اېس اېل) د سیالیو تر پای وروسته ټاکل شوې چې د فبرورۍ پر ۱۰مه پاتې ۱۹ لوبې په لاهور کې وشي.
په اتلولۍ کې شپږ لوبډلې – ملتان سلطانز، اسلام اباد یونایټډ، لاهور قلندرز، کوټه ګلیډيېټرز، پېښور زلمي او کراچۍ کېنګز – برخه اخلي.
ملتان سلطانز چې د ۲۰۲۱ز کال کې اتله لوبډله وه، د خپل اعزاز دفاع کوي. هغه لوبډله تره اوسه پینځه سیالۍ کړې دي او ټولې یې ګټلې دي.
کراچۍ کېنګز لوبډلې تر اوسه خپلې ټولې پینځه سیالۍ بایللې دي.
پېښور زلمي لوبډله پر پینځم مقام ده او د فبرورۍ پر ۱۰مه د لاهور په قذافي لوبغالي کې له ملتان سلطانز سره مخامخېږي.
د پي اېس اېل اوومه اتلولي د جنورۍ پر ۲۷مه په کراچۍ کې پیل شوه او پایلوبه به یې د فبرورۍ پر ۲۷مه په لاهور کې کېږي.
