د نړۍ د نورو هېوادونو په شان د مارچ پر اتمه په پاکستان کې هم د ښځو ورځ ولمانځل شوه. په دې لړ کې د ښځو د حقونو په دفاع کې په کراچۍ، لاهور، ملتان او اسلام اباد کې لاریونونه وشول. د لاريون ګډونوالو د روزګار د یو شان فرصتونو، ټولنيز انصاف او امنیت غوښته کوله. دا چې د پښتنو په ټولنه کې ښځې له کومو ستونځو سره مخامخ دي او د هواري لپاره یې د ټولنې او ریاست پر کچ څه هلې ځلې روانې دي؟ د مشال راډيو په اوونيزه خپرونه "د کرښې پر غاړه" کې پر همدې بحث شوی دی. د خپرونې وړاندې کوونکی شاهین بونیری دی.