په نيو زيلېنډ کې د ښځو نړيوال کرکټ جام ۵۰ اووریزو سياليو لړ کې د کوربه هېواد لوبډلې هند ته په ۶۲ منډو ماتې ورکړه.
د مارچ پر ۱۰مه نيو زيلنېډ لومړی بېټينګ وکړ او په ټاکليو ۵۰ اوورونو کې يې د نهو لوبغاړو په سوځېدو ۲۶۰ منډې جوړې کړې. په ځواب کې د هند ټوله لوبډله په ۴۷م اوور کې په ۱۹۸ منډو اوټ شوه.
د مارچ په ۱۱مه، به پاکستان له جنوبي افريقا سره سيالي کوي.
په دې نړيوال جام کې اته لوبډلې برخه اخلي او پايلوبه به يې د اپرېل پر درېيمه نېټه کېږي.
تر دې دمه په پوايڼتس ټېبل کې اسټراليا لومړی او پاکستان چې تر دې دمه يې ټولې لوبې بايللي، وروستی مقام لري.
