د هند د ۲۰ اوریزه کرکټ په کلنۍ اتلولۍ کې نن د ګجرات ټایټنز او ممبۍ انډیینز لوبډلو ترمینځ سیالي ده.
ټاکل شوې چې د هند پرېمییر لیګ یا ای پي اېل لوبه د مې پر شپږمه، د پېښور پر وخت د ماښام پر اووه بجو پیل شي. پرون دلي کیپېټلز لوبډلې، سنرایزرز حیدراباد ته په ۲۱ منډو ماتې ورکړه.
دلي کیپېټلز په ۲۰ اوورونو کې د درې لوبغاړو په سوځېدو ۲۰۷ منډې جوړې کړې. په ځواب کې سنرایزرز حیدراباد په ۲۰ اوورنو کې د اووه لوبغاړو په سوځېدو ۱۸۶ منډې جوړې کړې.
تر اوسه په شویو سیالیو کې ګجرات ټایټنز پر لومړي، لکنو سوپر جاینټس پر دویم، راجستان رایلز پر درېیم، رایل چیلېنجرز بینګلور پر څلورم او دلي کیپېټلز پر پینځم مقام ده.
د ای پي اېل سیالۍ د مارچ پر ۲۸مه پیل شوې دي چې د روانې میاشتې تر پایه به دوام ولري.
