د نايجيريا په يوه کېتلېک کليسا کې د وسله والو په ډزو او د بارودو په چاودنه کې له ۵۰ څخه د زیاتو عبادت کوونکو د وژل کېدو ويره ده.
د نايجیريا په قانون سازي اسمبلۍ کې د دې سيمې استازي اديليګبي ټايميلين ويلي چې لږ تر لږه ۵۰ کسان وژل شوي او پادري تښتول شوی دی.
دا لاهم نه ده څرګنده چې د جون پر پنځمه نېټه د اوو سيمې د سېنټ فرانسس په کليسا کې پر راغونډو شویو کسانو برید چا کړی دی. د اونډو ریاست ګورنر روتمي اکيريدولو پر ټويټر پاڼه ليکلي چې دوی ډېر غمجن دي او د ولس دښمنانو د دوی پر سوله او ارامۍ بريد کړی دی.
د نایجیريا لویه برخه له امنيتي ننګونو سره مخامخ ده خو اونډو د دې هېواد تر ټولو پرامنه ریاست ګڼل کېږي.
