روغتیاپالان: پاکستان کې د ایس په نوم د نشه يي توکو استعمال زیات شوی
د جون ۲۶مه د نشه يي موادو د کارولو ضد د نړیوالې ورځې په توګه لمانځل کېږي. ملګري ملتونه وايي، په نړۍ کې د نشه يي موادو کارول زیات شوي دي چې پر وخت یې د مخنیوي لپاره اقدامات اړین دي. په پاکستان کې روغتیاپالان وايي، په وروستیو کې هلته د مېت اېمفېټامین یا ایس په نوم د نشه يي موادو کارول زیات شوي. دا رپورټ په نشه يي موادو د روږدي کس په غږ پیلېږي.