چارواکي وايي، د عراق وزیراعظم مصطفا الکاظمي د جون پر ۲۵مه سعودي عرب ته رسېدلی دی.
ټاکل شوې چې الکاظمي به په ریاض کې له سعودي مشرتابه سره تر لیدو وروسته د دې لپاره ايران لاړ شي چې د هغو دوو سیالیو هېوادونو ترمینځ د خبرو اترو نوي پړاو هڅې پر مخ یوسي.
عراقي خبري اژانس د سرچينو په حواله خبر ورکړی چې وزیراعظم مصطفا الکاظمي به ایران او سعودي عرب ته په راتلونکو ورځو کې ډېر سفرونه ولري.
یو چارواکي فرانس پریس خبري اژانس ته د نوم نه ښوولو په شرط ويلي چې عراقی وزیراعظم غواړي چې د سعودي عرب او ایران ترمینځ د بغداد په منځګړتوب د خبرو اترو پروسه بیا پیل کړي.
د ۲۰۲۲ز کال د اپرېل په میاشت کې د خبرو اترو ورستی پړاو په سیمه کې تر تاوتريخوالي وروسته ځنډېدلی وو.
