د دې اوونۍ د هارون باچا هنري ګړۍ خپرونې مېلمه د خيبر پښتونخوا د صوابۍ يو ځوان سندرغاړی عبيد خان دی. نوموړي په وروستيو کې د خاطر اپرېدي يو غزل ثبت او پر خپل يوټيوب چینل خپور کړی دی. عبيد خان وايي، د موسيقۍ رسمي زده کړې يې نه دي کړي، خو د سيمې ځينې استادان ورسره وخت په وخت په کمپوزونو جوړولو کې مرسته کوي. دی زياتوي چې رباب، سارينده، وايلن او کلارنټ يې د خوښې سازونه دي او هڅه کوي چې په خپلو سندرو کې يې په ژوندۍ بڼه وکاروي. د عبيد خان د ژوند او هنر په اړه د ده خبرې او ځينې سندرې يې د غږ په ځای کې اورېدای شئ.