د چین او روسیې سمندري ځواکونو د چین په جنوبي پوځي بندر کې ګډ پوځي تمرینونه پیل کړي دي.
د چین رسمي خبري اژانس شینهوا راپور ورکړی دی چې د جولای پر ۱۴مه دواړو ځواکونو د همغږۍ تمرینونه ترسره کړل.
پوځي تمرینونه څو ورځې وروسته له هغې پیل شول چې د ناټو متحدینو، چين د اوکراین په جګړه کې د روسیې "تصمیم نیونکی همکار" وباله.
د چین د دفاع وزارت په یوه لنډ بیان کې ویلي چې د دواړو خواوو ځواکونو په وروستیو کې د لویدیځ او شمالي ارام سمندر کې ګزمه کړې او دا عملیات له نړیوالو او سیمه ییزو حالاتو سره هیڅ تړاو او درېیمګړي هدف نه لري.
