د بشري حقونو ډلې په ایران کې په یوه ورځ کې د لږ تر لږه د یوولسو کسانو د اعدامېدو خبر ورکوي.
د مشال راډیو د فردا څانګې د راپور له مخې، د ایران د بشري حقونو سازمان ویلي، لس سړي او یوه ښځه د اکتوبر په ۱۱مه د کرج په قزل حصار کې په دار وځړول شول.
د راپور له مخې په اعدام شویو کې د افغانستان دوه وګړي هم شامل دي.
ویل شوي چې، دغه کسان د عمدي قتل او مخدرو موادو په ګډون د ځینو مواردو په خاطر په اعدام محکوم شوي ول.
د ایران اعتماد ورځپاڼې تر دې مخکې د دغو افغانانو په اړه ویلي و، چې دوی د تهران په لوېدیځ کې پر یوې ښځې د ډله ییز جنسي تیري په جرم په اعدام محکوم شوي وو.
