ملک نصير احمد کوکيخېل د خيبر د تيرا سيمې د راجګل سيمې ولسي مشر دی خو له تېرو څو لسيزو راهیسې په جمرود کې ژوند کوی. د نوموړي کورنۍ په هغه سيمه کې د خلکو د ستونزو هوارولو او جرګو کې مهم رول لري. ملک نصير وايي، د پاکستان له جوړېدو راهيسي يې څلور ځله کور په عملياتو کې ړنګ شوی دی. د هغه په خبره، د واکمنو تر غوږونو به د پښتنو د حقونو د غږ رسولو لپاره خپلو هلو ځلو ته دوام ورکوي. ملک نصير کوکيخېل زياتوي چې هغوی په خپله سيمه کې د امن غوښتونکي دي. له نوموړي سره ګل اياز مرکه کړې ده.