په هلمند کې د ایمرجنسي روغتون د بیان له مخې په مرکز لشکرګاه کې د مارچ پر ۲۱مه ترسره شوې یوه چاودنه کې ۱۷ کسان ټپیان شوي دي.
د چارواکو په وینا دا چاودنه د ګرشک ښار په یوه بازار کې ارسره شوې ده.
د ایمرجنسي روغتون په بیان کې راغلي دي چې ۱۷ ټپیان د لشکرګاه ایمرجنسي روغتون ته رسول شوي چې د پنځو تنو یې وضعیت نازک دی.
د یاد روغتون د افغانستان د څانګې مشر دېژان پانیک ویلي چې وضعیت جدي دی او روغتیايي ټیمونه د ټپیانو درملنه کوي.
د دې چاودنې علت او څرنګوالی نه دی معلوم. د طالبانو حکومت تراوسه د دې پېښې په اړه رسنیو ته څه نه دي ویلي.
تراوسه هېڅ یوې ډلې د دې چاودنې پړه نه ده منلې.
