وسله والو د خیبرپښتونخوا د سوات په کبل تحصیل کې د امن کمېتۍ يو پخوانی غړی وژلی دی.
د پولیسو په خبره، وژل شوی تن سکندر نومېده. د کبل د پولیسو مشر (ډي اېس پي) امجد علي د مارچ پر ۲۴مه مشال راډيو ته وويل چې د کالا کلي د کوز چم پر اوسېدونکي ډزې کوونکې نامعلومه کسان دي چې دوی یې پر ضد مقدمه درج کړې ده.
پولیسو د سکندر د کورنۍ په حواله ویلي چې د هغه له هیچا سره ذاتي دښمني نه وه. تر اوسه د هغه برید ذمه واري لا چا نه ده منلې.
