- لیکوال/لیکواله پامیر ساحل
په پاکستان کې انتخاباتي بهیر تر سره شوی او ووټونو شمېر روان دی. پر دې پاڼه مو درته د فبرورۍ له سهاره تر ماخوستنه شېبه په شېبه معلومات درخپاره کړل. اوس درڅخه اجازه غواړو. خو د مشال راډیو پر ووبپاڼه به خبرونه او نور مطالب په عادي ډول خپرېږي. مننه او په مخه مو ښه.
انتخاباتي کمېشن: ټولټاکنې په خپلواکه او منصفانه توګه ترسره شوې
- لیکوال/لیکواله پامیر ساحل
د پاکستان د انتخاباتي کمېشن مشر سکندر سلطان راجا ویلي دي چې د فبرورۍ پر اتمه په هېواد کې پارلېماني انتخابات "۱۰۰ فیصده شفاف او په سوله ییزه" توګه ترسره شول.
دولتي ټېلېوېژن د نوموړي له خولې ویلي دي چې هېچا هېڅ وګړی له رایې ورکولو نه دی ګرځولی.
ټېلېوېژن وايي چې دا څرګندونې نوموړي د کمېشن په ودانۍ کې کړې دي او وايي چې هر ځای د انټرنېټ ستونزه وي، هلته به انتخاباتي چارواکی خپله د انتخاباتو ضلعي چارواکي دفتر ته ځي او هلته به د نتیجو فارم (۴۵م نمبر فارم) داخلوي.
راجا زیاته کړې ده چې د انتخاباتي نتیجو په نظام کې ټولې نتیجې دایرېږي.
د ووټونو شمېرلو بهیر په اړه ژوندۍ ویډیويي خپرونه
په پاکستان کې په عامو انتخاباتو کې د رایې اچونې بهیر پای ته له رسېدو سره سم د رایو شمېر راون دی.
ووټ اچونه د فبرورۍ اتمې پر سهار اته بجې پیل شوې وه چې د مازیګر پر پینځو پای ته ورسېد.
موږ په دې ژوندۍ ویډیويي خپرونه کې د رایو شمېرلو په اړه له خپلو خبریالانو سره غږېږو. د خپرونې کوربانه اسرار عالم مومند او داود خټک دي چې تاسې یې د یوټیوب له لارې دلته او لاندې پر فېسبوک لیدلای شئ.
پاکستان کې د ووټونو شمېر روان دی
- لیکوال/لیکواله نیاز علي
په پاکستان کې خلکو د فبرورۍ پر اتمه په قامي او څلورو صوبايي اسمبلیو کې د خپلو استازو ټاکلو لپاره رایې وکارولې. د پېښور پر وخت د ماښام پر پینځو (د کابل څلور نیمو) بجو د ووټ اچولو عمل پای ته له رسېدو سره سم، د رایو شمېر پیل شوی دی.
په دې اړه تفصیل په ویډویي رپورټ کې.
