پېښور: د خیبر پښتونخوا ګورنر سردار مهتاب عباسي د ټولو قبایلي سیمو بې وسه نارینه او مېرمنو لپاره د وړو روزګارونو پیلولو په مخه د پېسو ورکولو اعلان کړی دی.
په پېښور کې د ګورنر له دفتره بېګا خپور شوی بیان لیکي چې په دې لړ کې به بې له سوده له لسو تر پنځوس زره روپۍ ورکول کېږيږي.
په دې اړه د جمعې په ماښام د ګونر په کور کې یوه غونډه شوې چې د دې پروګرام مشر او له قبایلي سیمو سره اړه لرونکو د قامي اسمبلۍ غړو پکې ګډون کړی وو.
سردار مهتاب عباسي ویلي چې د ترهګرۍ پر ضد جګړې او پوځي عملیاتو د قبایلي سیمو ولس ډېر ځپلی دی او د دې پروګرام هدف له دې ولس سره مرسته کول دي.
د پاکستان په قومي اسمبلۍ کې د قبایلي سیمو یو استازي فیصر جمال مشال راډیو ته وویل چې دا پروګرام د ډېرو غریبو خلکو لپاره دی او دا به له هغوی سره خورا مرسته وکړي.
ستاسې سېسټم د HTML5 په چلولو کې ستونزه لري.
په دې اړه نور تفصیل د شبیر جان په رپوټ کې واورئ