د پوځ د خبرپاڼې تر مخه دا عمليات د استخباراتي معلوماتو پر بنسټ په قبايلي سيمو او د پاکستان په ځينو ښارونو کې شوې دي. د چارواکو په خبره تېرو څلورويشت ساعتونو کې ۲۷ مشکوک وسله وال يوازې په کراچۍ کې وژل شوي دي.
پرون (جمعه) مازيګر د ملير ضلعې د پوليسو مشر راو انوار ادعا وکړه چې د يو ځانمرګي بريد کوونکي پشمول يې نهه وسله وال د ښار سپرهايي وی سيمې سره نزدې وژلي دي چې د تحريک طالبان پاکستان، جماعت الاحرار ډلې سره يې اړه درلوده.
خو دغې وسله والې ډلې نن خبريالانو ته ليږلې ايميل کې د امنيتي ځواکونو دا ادعا رد کړې او وژل شوي يې بنديان ياد کړې دي.
خدا معاف کرے ایسا ملک ہے کہ کل سے 100 سے زیادہ لوگوں کو مار دیا اور کوئی پوچھ بھی نہیں سکتا کہ یہ کون تھے, کہاں تھے اور اچانک کیسے مل گئے.
— Zeeshan Khattak (@khattak) February 17, 2017
په همدې حال کې په سيون کې د لال قلندر په زيارت کې شوې بريد کې د وژل شوو شمېر اته تيا ته رسيدلی دی. کراچۍ کې روغتيايي چارواکو نن مشال ريډيو ته وويل چې دوی کې يې د پنځه پنځوسو مړي خپلو خپلوانو ته ورکړې دي. ځيني ژوبل کسان د کراچۍ، حېدراباد او نوابشاه روغتونونو کې تر درملنې لاندې دي.
نن (شنبه) د سند صوبې د صحت محکمې له خوا مطبوعاتو ته لېږلې شوې خبرپاڼه کې ويل شوي چې مړو کې شل ماشومان او دولس ښځې شاملې دي.
د جمعې په ماښام د سند د صحت وزير ډاکټر سکندرمېندهرو د کراچۍ په سول روغتون کې له مطبوعاتو سره په خبرو کې وويل چې په روغتونونو کې ټولې اسانتياوې موجودې دي خو که دلته دکوم ژوبل کسانو درملنه نه کېږي نو دوی به يې بل ځای ته د رسولو دپاره پوره پوره هڅې کوي.
په همدې حال کې د پاکستان وزيراعظم نوازشريف، د پوځ مشر او د سند صوبې وزيراعلی د زخميانو پوښتنې لپاره د سند روغتونونو ته ورغلل.
#COAS visited Nawab Shah & Sehwan. Met injured. Terrorists will be targeted ruthlessly,indiscriminately, anywhere and everywhere. No let up. pic.twitter.com/ZzJMepJMDo
— Maj Gen Asif Ghafoor (@OfficialDGISPR) February 17, 2017