ټاکل شوې ده چې د جون پر شپږمه نېټه د افغانستان په کوربه توب په کابل کې د سولې کانفرنس جوړ شي چې پکې د ګاونډيو هېوادونو استازيو ته د ګډون بلنه ورکړل شوې ده.
کانفرنس به په افغانستان کې د سولې راوستو لارې چارې لټوي.
خو تر دې وار له مخه د مې پر ۳۱ مه نېټه د کابل په زړه کې له بارودو بار موټر چاودنه شوې چې پکې د چارواکيو په وينا اتيا زيات کسان وژل شوي دي.
د افغانستان تل دا تور پورې کړی چې ګاونډی هېوادونه ددې هېواد په بې ثباتي کې لاس لري او هغوي دا تور ردوي.
د کابل دې تور ته په پام سره پوښتنه راپورته کېږي چې ايا افغان حکومت به و توانېږي چې ګاونډيان د سولې ملاتړ ته و هڅوي؟
دا موضوع د مشال تر رڼا لاندې بحث کې په اسلام کې د پاکستان پخوانی سفارتکار ایاز وزير، په لندن کې مېشت خبريال سميع يوسفزي او په کابل کې د سولې او شخړو مطالعاتو څېړنيز مرکز څېړونکي حکمت الله اعظمي سره بحث شوې ده.
ستاسې سېسټم د HTML5 په چلولو کې ستونزه لري.
د افغانستان په ثبات کې ګاونډیان څه رول لوبوای شي؟