کرل زاده کثرت رای د فاټا اصلاحاتو لپاره لاریون کوي

کرل زاده کثرت رای، د پنجاب د حافظ اباد اوسېدونکی، په نړۍ کې د پلي ګرځېدو لپاره شهرت لري. نوموړی وايي د قبایلي سیمو خلک دې هم د پاکستان د نورو سیمو په شان له حقونو څخه برخمن شي. ده د فاټا د خلکو په ننګه د یکشنبې په ورځ د جمرود، له باب خیبر نه تر اسلام اباده پلی مزل پیل کړ. د روانېدو پر مهال لسګونو کسانو او قومي مشرانو هغه بدرګه کولو. ده په دې موقع له حکومته غوښتنه وکړه چې قبایلي سیمې دې زر تر زره په خیبر پښتونخوا صوبه کې شاملې کړل شي. د مشال خبریال فرهاد شینواري پرې ویډیويي راپور جوړ کړی دی.