د پاکستاني پوځ مشر جنرال جاويد قمر باجوه د سېشنبې په ورځ ددې هېواد سېنېټ ته حاضر شو او د امنيت، سياست او ډپلوماسي په اړه د سنېټېرانو پوښتنو ته ځوابونه وويل.
دا په شپږو کلونو کې لومړۍ ځل دی چې د پوځ يو مشر پارلېمان ته حاضرشوی دی.
تر دې وړاندې د ۲۰۱۱ م کال د مې په مياشت کې په اېبټ اباد کې د امريکايي پوځ په ځانګړيو عملياتو کې د القاعده مشر اسامه بن لادن تر وژل کېدو وروسته د پوځ د هغه وخت مشر جنرال اشفاق پروېز کياني او د ای اېس ای مشر جنرال شجاع پاشا د پارلېمان ګډې غونډې ته حاضر شوي ول.
جنرال جاويد قمر باجوه په داسې حال کې سېنېټ ته حاضر شو چې په پاکستان کې د ځېنو سياسي ستونزو ، امنيت او ګاونډیو هېوادونو سره د تعلقاتو په برخه کې پر پوځ انتقادونه کېږي.
ايا د جنرال باجوه څرګندونې به پر پوځ د انتقاد لړۍ کمه کړي؟
ايا دده څرګندونې به په پاکستان کې شته سياسي بحران او پر حکومت فشار کمولو کې مرسته وکړي؟
دا او نورې پوښتنې د مشال تر رڼا لاندې بحث کې د عوامي نېشنل ګوند سېنېټر باز محمد خان او په اسلام اباد کې د بي بي سي له مشر هارون رشيد سره څېړل شوې دي.
ستاسې سېسټم د HTML5 په چلولو کې ستونزه لري.
د جنرال باجوه سېنېټ ته د حاضرېدو د پاکستان پر سیاست ممکنه اغېز؟