په پېښور کې د وژل شوي سیک ټولنې مشر چرنجیت سینګ اخیري رسمونه په اټک کې ترسره شوي دي.
چرنجیت سنګ په سېشنبه د پېښور په سکیم چوک کې په خپل دکان کې دننه په یو وسله وال برید کې وژل شوی وو.
برید ګر د پیښې له ځایه په تیښته کې بریالي شوي وو.
د برید ذمه واري لا چا نه ده منلی.
له چرنجيت سينګ سره د احمد شاه اعظمي مرکه
پښتونخوا: د سیک ټولنې غړي د خپل مشر او ټولنیز فعال چرنجیت سینګ وروستی دیدار کوي چې د ۲۰۱۸ زکال د مې په ۲۹مه په پېښور کې ووژل شو.
په ټولنیزو رسنیو د بشري حقونو فعالانو د هغه وژنه په سختو ټکو غندلې ده. د پاکستان د بشري حقونو کمیشن یو استازي کامران عارف غوښتنه کړیده باید حکومت د وژنې ذمه وار ونیسي او سزا ورله ورکړي.
د پاکستان بشري کميشن د خېبرپښتونخوا مشر کامران عارف وايي، چرنجيت سېنګ چې په ټولنه کې يې د مذهبي راودرۍ لپاره ډېرکار کړی وو، د هغه وژنه يو لوی تاوان دی.
کامران عارف زموږ له همکار اسرار عالم مومند سره په خبرو کې وويل چې په پاکستان کې به په مذهبي اقليتونو بريدونه هله ودرېږي چې حکومت د داقسمه پېښو تحقيقات وکړي او ذمه وارو کسانو ته سزاګانې ورکړي.
ستاسې سېسټم د HTML5 په چلولو کې ستونزه لري.
د بشري حقونو فعال کامران عارف د چرنجیت سینګ وژنه یو لوی تاوان وباله
۴۲ کلن د کرمې ایجنسۍ وسیدونکې وو او په کال ۱۹۸۳ د خپلې کورنۍ سره پیښور ته منتقل شوی وو.
پولیس وايي ــ د پیښې په اړه يي پلټنې پیل کړي دي.