د پاکستان قامي اسمبلۍ، سېنېټ او د خېبر پښتونخوا اسمبلۍ د فاټا اصلاحاتو مسوده منظوره کړې ده چې پکې د يو لړ نورو اصلاحاتو ترڅنګ فاټا په خېبر پښتونخوا ګډه کړل شوې.
خو دا قانون به هغه وخت عملي شي چې کله د پاکستان ولسمشر ورباندې لاسليک وکړي.
د دې قانوني مرحلې تر بشپړېدو وروسته ولسمشر ممنون حسين د فاټا ګورنېنس ارډينېنس ۲۰۱۸ م په نوم يو صدارتي فرمان جاري کړی دی.
د دې فرمان له مخې د قبايلي سيمو د انتظامي نظام چلولو لپاره چې کوم کړه وړه بيان شوي د هغه په اړه ځينو کارپوهانو پوښتنې راپورته کړې دي.
دوی وايي چې په دې فرمان کې تش نومونه بدل شوي خو واک او اختيار هم هغسې دی لکه چې په پخواني نظام کې وو.
د مشال تر رڼا لاندې بحث کې هم د ارډينېنس په اړه د راپورته شويو دغو پوښتنو د ځوابولو کوښښ شوی دی.
مېلمانه د پاکستان په قامي اسمبلۍ کې د خېبر استازی حاجي شاه جي ګل اپرېدی او په پېښور کې د غير حکومتي ادارې سېنټر فار ګورنېنس اېنډ پبلیک اکاونټېبلېټي مشر انور يوسفزی دي.
ستاسې سېسټم د HTML5 په چلولو کې ستونزه لري.
د قبايلي سيمو په اړه د ولسمشر تازه فرمان کې څه دي؟