د پښتون تحفظ مومنټ تر سیوري لاندې د پېښور چاودني او د راوانوار په ضمانت خوشي کېدو پرضد احتجاجي مظاهره وشوه.
دې احتجاجي مظاهرې ته د سوات پښتون تحفظ مومنټ مشر محمد اقبال وويل چې دوی په ټول ملک کې تره ګري نه مني او په ځانمرګي برید کې د عوامي نېشنل پارټۍ د غړي هارون بلور وژنه په سختو ټکوغندي.
پر دې مهال د پښتونخوا ملي عوامي د سوات یو مرکزي مشر ملک ریاض په خپله وینا کې وویل، د پښتانه ولس سر خوندي کول، په پاکستان کې هغوی ته د یوه سیال او برابر قام په توګه حقوق ورکول د پي ټي اېم غوښتنې دې او که دوی خپله دا مبارزه خپلو راتلونکیو نسلونو ته نه شي پرېښودلی. بلکې همدوی به خپل کردار ادا کوي.
چيف جسټس وپوښتل: راو انوار د زورورو په پناه کې دی؟
د غونډې نورو برخوالو په خپلو ویناګانو کې غوښتنه کوله چې د پېښور په پېښه کې ککړ تنان دې ژر تر ژره مالوم کړل او د هغوی پرضد دې سخته کاروايي وکړل شي. د دې ترڅنګ دوی د راو انوار په ضمانت خوشېکېدل يو لوی سازش وبللو او ویل یې چې درياست غلطو پرېکړو دوی دې ته اړ کړي چې سړکونو ته را ووځي. دوی د پي ټي اېم د غړیو خوشېکېدو غوښتني هم وکړې او د ریاست پرضد یې سختې نعرې هم ولګولې.
د پښتون ژغورنې غورځنګ مشر منظور پښتین د چارشنبې په ورځ د نقیب مسود په وژنه تورن پولیس افسر راو انوار د ضمانت منظورېدو پرخلاف په ټول ملک کې د احتجاجونو اعلان کړی وو چې د سوات لاریون یې د هغه اعلان برخه وو.
اړوند مطالب