مولانا فضل الرحمن د یوډول تعلیمي نصاب حکومتي پرېکړه رد کړه

د جميعت علمای اسلام او متحده مجلس عمل مشر مولانا فضل الرحمان د يني مدرسو لپاره د حکومت د يو شان نظام تعليم فېصله رد کړې ده. مولانا فضل الرحمان دغه څرګندونې تېره ورځ په پېښور کې له رسنيو سره په خبرو کې وکړې. د شورو په ورځ د وزير اعظم عمران خان په مشرۍ د وفاقي کابينې په غونډه کې د عصري علومو تر څنګ د ديني مدرسو لپاره هم د يو شان تعليمي نصاب فیصله وشوه. مولانا فضل الرحمان په خپلو خبرو کې يو ځل بيا د ټاکنو پر کميسون د بې پرې ټاکنو کولو کې د پاتې راتلو تور پوری کړ او د الېکشن کمېشن له چارواکیو یې د استعفا غوښتنه وکړه. د ځلاند يوسفزي رپورټ