ولسمشر غني له پاکستانه وغوښتل چې د کندهار د وروستۍ پېښي عاملین ورته وسپاري.
د افغانستان ولسمشر محمد اشرف غني د کندهار په منډیکک ماڼۍ کي د قومي مشرانو او ولسي خلکو یوې لویې غونډې ته په وینا کې له پاکستانه و غوښتل چې د کندهار ولایت دفتر دننه په برید کې ککړ کسان ورته وسپاري.
په هغه برید کې چې یوه ساتونکي وکړ د کندهار ولایت امنیه قوماندان جنرال عبدالرازق، د ملي امنیت ریس جنرال عبدالمومن حسېنخېل ووژل شول او د یاد ولایت والي، يوه امریکايي جنرال، يو بهرنی سرتېری او د هغوی دوه ژوباړونکي ټپيان شول.
ولسمشر غني وویل چې د کندهار برید سازش په پاکستان کې جوړه شوی وو او پر اسلام ابد یې ږغ وکړ چې په پېښه کې ککړ کسان دې ورته وسپاري چې افغان دولت یې محاکمه کړي.
هغه وویل د کندهار پېښې لپاره دې یوه نړیوال پلاوی وګومارل شي چې حق او ناحق ولټوي.
تر ولسمشر غني وړاندې په دوشنبه د افغانستان ملي امنیت لوی رئیس محمد معصوم ستانکزي یوې خبري غونډې ته وویل چې د دې پېښي پلان د پولې ها غاړه جوړ شوي وو.
پاکستان تر اوسه د افغان ولسمشر د دې څرګندونو په اړه غبرګون نه دی ښودلی.
ولسمشر غني کندهار ته د سفر پر مهال د جنرال عبدالرازق له کورنۍ سره د غمرازۍ تر څنګ هغه ته د خپلواکۍ ملي اتل لقب ورکړ او د دې ولایت د پولیسو اکاډمي يې د قوماندان رازق په نامه ونوموله.
د ارګ پر ټوېټرپاڼه لیکل شوي چې ولسمشر د جنرال رازق له موره مننه وکړه چې داسې زړور زوی یې روزلی و."
ولسمشر غني کندهار ته له رسېدو سره سم په خرقه مطهره کې د دې ولایت د وژل شوي امنیه قوماندان جنرال عبدالرازق مزار ته ولاړ او هغه ته یې دعا وکړه.
ستاسې سېسټم د HTML5 په چلولو کې ستونزه لري.
ولسمشر غني د جنرال رازق دعا ته ولاړ
ولسمشر دغه راز د جنرال رازق د مزار جوړېدو او په کابل او کندهار کې يې د نوموړي په نوم د يوشمېر واټونو د نومولو سپارښتنه هم وکړه.
نوموړي له قومي مشرانو سره په خبرو کې وویل چې د کندهار د خلکو غوښتنې او مشورې مني او له دې وروسته د کندهار د خلکو خبره او مشوره د حکومت تګلاره ده او منل کېږي به:
"په کابل او کندهار کې به سړکونه د دې ملي اتل په نوم یادېږي او دا کار به ژر کېږي د کابل ښاروالۍ او د کندهار ښاروالۍ ته مي هدایت دا دی چې ژر تر ژره دا کار وکړي، د کندهار د پولیسو تعلیمي مرکز به سر له ننه د شهید ستر جنرال عبدالرازق په نوم ونومول شي،د خپلواکۍ د اتل شهید لقب به ستر جنرال عبدالرازق خان ته ورکړو او ستاسي مشوره به زما تګلاره وي."
ستاسې سېسټم د HTML5 په چلولو کې ستونزه لري.
اشرف غني: د کندهار ولس مشوره به د افغان حکومت تګلاره وي
د کندهار د ولایت مقام په ودانۍ کې دننه تېره پنجشنبه تر يوې مهمې غونډې وروسته د چارواکو د تګ پر مهال د والي يو ساتونکي برید وکړ چې له امله يې د کندهار امنیه قوماندان جنرال عبدالرازق او د ملي امنیت رئیس جنرال عبدالمومن حسين خېل ووژل شول او د کندهار د والي، د ۴۰۴ ميوند زون او ۲۰۵ اتل قول اردو د قوماندانانو په ګډون پکې يوه امریکايي جنرال، يو بهرنی سرتېری او د هغوی دوه ژوباړونکي ټپيان شول.
وسله والو طالبانو ویلي ول د کندهار وروستی برید دوی کړی دی.