د پاکستان تحريک انصاف په واک کې د راتلو څه دپاسه يوکال شوی دی خو په هېواد کې لاهم سياسي ثبات نشته.
د دوه لويو اپوزيشن ګوندونو پاکستان پېپلز پارټۍ مرستيال مشر اصف علي زرداري او د مسلم ليګ مشر نواز شريف، د هغه لور او ځينې نور مشران د درغلی په تور په زندان کې دي.
تېره ورځ د پاکستان مطبوعاتو داسې خبر خپور کړی وو چې پکې نوازشريف ويلي چې له حکومت سره د پړدې شاته هېڅ ډول جوړ جاړي ته تيار نه دی.
دا خبره ځکه مخې ته راغلې چې داسې ګنګوسې خورې دي چې د عمران خان حکومت او د هغه ملاتړي غواړي له نوازشريف سره داسې يو جوړ جاړی وکړي چې له مخې يې هغه او لور مريم نواز له هېواده دباندې ولاړ شي.
د مشال تر رڼا لاندې بحث کې له کارپوهانو سره د پاکستان دغې بدلېدونکې سياسي منظرنامه ته کتنه کوو.
مېلمانه د سياسي چارو پوه قريش خټک او د انډيپنډنټ نيوز وېبپاڼې د پاکستان مشر هارون رشيد دي.
ستاسې سېسټم د HTML5 په چلولو کې ستونزه لري.
د پاکستان سياسي منظرنامه