نن د سېپټمبر ۱۱ م نېټه ده او له ننه ۱۸ کاله وړاندې په دوه زره لومړي کال کې په امريکا کې ترهګرې حملې وشوې چې پکې نږدې ۳۰۰۰ ولسي وګړي و وژل شول چې ذمه واري يې نړيوالې ترهګرېډلې القاعده منلې وه.
دغو بريدونو د امريکا او نړۍ سياست بدل کړ او د ترهګرۍ په نوم يوه داسې جګړه پیل شوه چې نن هم دوام لري.
د القاعده مشران په افغانستان کې وو او هلته طالبان واکمن وو.
امريکا له طالبانو د القاعده مشر اسامه بن لادن د ورسپارلو غوښتنه وکړه خو هغو انکار وکړ او نتيجه دا شوه چې په ۲۰۰۱ م کال اکتوبر مياشت کې امريکا او ناټو پر افغانستان حمله وکړه.
د طالبانو حکومت نسکږر کړل شو او ګڼ شمېر طالبان، القاعده او نور نړيوال جنګيالي د پاکستان قبايلي سيمو ته و تښتېدل.
پاکستان د ترهګرۍ ضد جګړه کې د امريکا ملګری شو.
د امريکايي او ناټو ځواکونو په افغانستان کې شتون او د القاعدې او نورو مشکوکو ترهګرو په پاکستان کې پناه اخيستنه د يوې اوږدې جګړې پېلامه شوه.
په افغانستان او پاکستان کې د امنيت او سياست نوي چېلنجونو رامنځ شو چې لاهم دوام لري.
د مشال تر رڼا لاندې بحث کې د يوولسم سپټمبر پېښې پر پاکستان او افغانستان اغېز او او ددې جګړې راتلونکی له کارپوهانو سره څېړل شوی دی.
مېلمانه په اسلام اباد د ترهګرۍ چارو پوه ډاکټر شهريار خان او په کابل کې د سولې او شخړې مطالعاتو مرکز مرستيال حکمت اعظمي دي.
ستاسې سېسټم د HTML5 په چلولو کې ستونزه لري.
د ۱۱ سېپټمبر پېښې پر پاکستان او افغانستان اغېز او د شخړې د حل لار؟