د پاکستان ځانګړي عدالت د ډېسېمبر پر ۱۷مه نېټه ددې هېواد پخواني پوځي امر جنرال مشرف ته د ايين ماتولو او غدارۍ په مقدمه کې د مرګ سزا اورولې وه.
د پاکستان زياتره سياسي ګوندونو د عدالت فيصله د جمهوريت بریا بللې خو د پاکستان پوځ ورباندې خپګان ښودلی دی.
پر جنرال مشرف د غدارۍ مقدمه د نواز شريف حکومت په ۲۰۱۳مه کې جوړه کړې وه چې شپږکاله وروسته سرته ورسېدله.
جنرال مشرف د ۲۰۰۷م کال د نومبر پر اوومه نېټه د ايين په ځنډلو سره بېړني حالت يا اېمرجنسي اعلان کړې وه.
د پاکستان د ايين شپږمه ماده هغه کس ته د مرګ سزا تجويزوي چې ايين وځنډوي.
دا د دې هېواد په تاريخ کې لومړۍ ځل دی چې عدالت يوه پوځی امر ته د مرګ سزا اوروي.
خو په داسې حال کې چې د پاکستان پوځ پر دې فيصله خپګان ښودلی نو پوښتنه دا ده چې ايا په داسې حالاتو کې به د عدالت پر فيصله عمل وشي او که نه؟
دا او نورې پوښتنې د مشال تر رڼا لاندې کې د پېښور های کورټ وکيل سنګين خان او په پېښور کې خبريال او سياسي څېړونکي محمود جان بابر سره بحث شوې دي.
ستاسې سېسټم د HTML5 په چلولو کې ستونزه لري.
جنرال مشرف ته د مرګ پر ورکړل شوې سزا به عمل وشي؟