د خیبر پښتونخوا د صوبایي اسمبلۍ ښځینه غړې وایي د صوبې په مختلفو برخو کې ډاکټرانو د مناسبو طبي جامو د نشتوالي له وجې احتجاجونه کړي دي. دوی حکومت تورن کړی چې ډاکټرانو ته یې هغه طبي کيټونه یا سامان نه دی ورکړی چې د مشکوکو کورونا وایرس مریضانو کتلو پر وخت یې پکارېږي.
ښځینه غړې وایي دا وخت په ټوله صوبه کې یو بیړنی حالت دې خو حکومتي غړي په اسمبلۍ کې د مخالفو سیاسي ګوندونو غړو ته د موجوده وبایي صورتحال په اړه پوره معلومات نه ورکوي.
د جماعت اسلامي ګوند د صوبایي اسمبلۍ غړې حمېرا خاتون د موجوده صورتحال په اړه وایي چې په روغتونونو کې ډاکټران او نوره عمله د ماسکونو او حفاظتي جامو له کمي سره مخامخ ده.
د عوامي نېشنل ګوند شګفته ملک وایي د وفاقي او صوبایي حکومتونو ترمنځ پر دې مسله د رابطو او مرستو کمی په نظر راځي.
بلخوا له خیبر ضلعې نه بلوچستان عوامي ګوند صوبایي غړې بصیرت خان وایي په قبایلي ضلعو کې په جوړو شوو قرنطین مرکزونو کې د سهولتونو کمی دی.
پاکستان کې کورونا وایرس د نورو صوبو پرتله په خېبر پښتونخوا کې ډېر خلک وژلي دي.
ستاسې سېسټم د HTML5 په چلولو کې ستونزه لري.
د صوبایي اسمبلۍ ښځینه غړې وایي د کورونا وبا په اړه په ولس کې پوهه پېدا کوو