پولیس وایي، په شمالي وزیرستان کې درې جینکۍ پر ټولنيزو رسنيو د یوې ویډیو له خپرېدو وروسته وژل شوي دي.
د پولیسو په خبره دا د ناموسي وژنو پېښه ده چې دوی یې پلټنې پیل کړي دي. په خیبر پښتونخوا کې د ښځو د حقونو لپاره کارکوونکو پر دغه پېښه خپګان څرګند کړی دی.
د ښځو د حقونو ځېنو مبارزانو له مشال راډيو سره په خبرو کې ویلي په پاکستان کې د ناموس په نوم وژنې په زیات شمېر کې مخې ته را روانې دي چې یوه مهمه وجه یې د موجوده قوانینو په سمه توګه نه عملي کېدل او ککړ کسان له سزا نه بچ پاتې کېدل دي.
د خیبر پښتونخوا اسمبلۍ غړې عایشه بانو وايي حکومت ژمن دی چې له داسې پېښو ښځې و ژغوري. ملیحه امیرزاده پر دې موضوع راپور لري چې لاندې يې د غږ په ځای کې اورېدلای شئ.
ستاسې سېسټم د HTML5 په چلولو کې ستونزه لري.
شمالي وزیرستان کې درې جینکۍ د ناموسي وژنې په تور وژل شوي