د خېبر پښتونخوا د چارسدې په بابړه کې په ۱۹۴۸ کال د خدايي خدمتګار د مشر باچا خان د بندي کېدو پر ضد راوتي لاریون باندې د هغه وخت پاکستاني سرکار په ډزو کې ۶۵۰ تنه وژل شوي ول.
د تاريخي روایاتو او عوامي نېشنل ګوند په وېنا په ۱۲ اګست شوې دا پېښه د هغه وخت مسلم ليګ د حکومت پر مهال وشوه او پولیسو د عدم تشدد په لارويانو تشدد وکړ. هغه وخت خیبر پښتونخوا ضوبه د صوبه سرحد په نامه يادیدله او د صوبايي حکومت مشري د عبدالقیوم خان په لاس کې وه.
د خېبر پښتونخوا په چارسده کې د اګست په ۱۲مه د بابړې پېښې د يادونې لپاره غونډې کېږي او د بابړې په يادګار به د تېرو نورو کلونو په شان ګلونه ايښودل کېږي.
د اګست په ۱۱مه د مشال راډيو د کرښې پر غاړه خپرونه کې د بابړې د پېښې په اړه بحث شوی چې دا ورځ د پښتنو په سیاسي او تاریخي بهیر کې د تورې ورځې یا پښتنو د کربلا په نوم ولې پیژندل کېږي؟
په خپرونه کې افراسیاب خټک، پروفیسر سمیع الدین ارمان او ډاکټر درویش اپرېدی برخه لري. دوی ويليچې د بابړې په پېښه کې وژل شوي خلک د جمهوريت او عدم تشدد په فلسفه روان وو چې بايد شکايات یې په سړه سينه اورېدل شوی وای.
د دې خپرونې کوربه شاهین بونیری دی او تاسي یې له لاندې ځايه اورېدلی شئ.
ستاسې سېسټم د HTML5 په چلولو کې ستونزه لري.
پښتانه ولې د بابړې پېښه د تورې ورځې په توګه يادوي؟