د اکتوبر پر ۱۵مه په بلوچستان او جنوبي وزیرستان کې په وسله والو بریدونو کې د پوځ، فرنټیېر کور او امنیتي ادارو څه نا څه ۲۱ تنه په دوو جلا جلا بریدونو کې وژل شوي دي.
د بلوچستان ساحلي ښارګوټي اورماړې سره پر لوی سړک د تېلو او ګېس ادارې او جي ډي سي پر کاروان په برید کې اووه سرحدي عسکراو اووه امنیتي اهلکاران وژل شوي دي. د ای اېس پي ار د بیان له مخې چې او جي ډي سي اېل د اهلکارانو د بدرګې دغه کاروان له ګوادره د کراچۍ پر لور روان وو چې د څو تر برید لاندې راغلل. په ځینو رسنیو کې د دغه برید پړه د براس په نامه یوې بلوڅ بېلتونپالې ډلې منلې. د ای اېس پي ار بیان وايي چې د بریدګرو د لټون په موخه یې د برید سیمه ټوله کلابنده کړې ده. وژل شوي دېری امنیتي اهلکاران د خیبر پښتونخوا سیمې دې.
بلخوا د جنوبي وزيرستان په شکتوی سيمه کې د اکتوبر پر ۱۵مه په ریموټ کنټرول ماین چاودونو کې اووه پوځيان وژل شوي دي.
د جنوبي وزیرستان د پوليسو مشر شوکت علي په چارشنبه مشال راډيو ته وويل چې يو پوځي ګاډی د شکتوی زېړ نری سيمه کې پر ګزمه وو چې ماين پر چاودېد، کله چې دوهم پوځي ګاډی د مرستې لپاره ورورسېد، نو دوهمه چادونه وشوه.
د ده په خبره په پېښه کې د پوځ يو کېپټن عمر چیمه په ګډون اووه عسکر وژل شوي دي.
د بريد ذمه وار وسلوالې ډلې تحريک طالبان پاکستان منلي ده. امنيتي ځواکونو په سيمه کې د لټون عمليات پيل کړي خو هېڅوک يې نه دي نيولي.
ستاسې سېسټم د HTML5 په چلولو کې ستونزه لري.
شکتوی کې پر پوځي ګشت بمي چاودنو د یوه کېپټن په ګډون شپږ عسکر وژلي
په دغه سيمه کې د سېپټمبر په مياشت کې هم ماين چاودونو کې امنيتي ځواکونو ته مرګژوبله اوښتې وه. د هغه بريد ذمه واري هم وسلوالې ډلې تحريک طالبان پاکستان منلې وه.
یاده دې وې چې په شکتوی کې د سېپټمبر پر ۳مه پر پوځيانو په برید کې د یوه لېفټینټ په ګډون درې پوځیان وژل شوی ول لو څلور سخت ژوبل شوي ول. د هغه برید زمه واري هم ټي ټي پي منلې وه.