د افغانستان ولسمشر محمد اشرف غني په کابل کې د ملګرو ملتونو ځانګړې استازې ډېبرا لاینز سره د تاوتریخوالي پر ختمېدو او د اوربند پر ټینګېدو غږېدلي.
د ولسمشر دفتر د ډېسېمبر پر۱۵مه ناوخته په یوه اعلامیه کې وویل، دواړو مشرانو پرون په ارګ کې د کتنې پر مهال د کورونا وایرس پر وړاندې د مبارزې په برخه کې" د ملګرو ملتونو اړوند بنسټونو د مرستو په کارونو هم خبرې وکړې".
ولسمشر غني په دې کتنه کې ویلي، حکومت ته په افغانستان کې د تاوتریخوالی زیاتوالی د منلو وړ نه دی.
بلخوا په کابل کې د امریکا د سفارت شارژدافیر راس وېلسن ویلي، روانه اوونۍ په هدفي وژنو کې ۱۰ افغانان وژل شوي دي.
(1/2) Ten Afghans have been killed in targeted attacks in one week. Kabul Deputy Governor Mahbubullah Muhibbi was murdered today. His crime was that he was working for a better Afghanistan.
— Chargé d’Affaires Ross Wilson (@USAmbKabul) December 15, 2020
وېلسن د کابل د مرستیال والي محبوب اله محبي وژل کېدو ته په اشاره په یوه ټویټ کې ویلي، دا ډول بې مفهومه حملې باید ودرول شي.
دا په داسې حال کې ده د ډېسېمبر پر ۱۵مه سهار ۰۹:۴۰ دقیقې د څلورم مکروریانو په سیمه کې د کابل د مرستیال والي پر موټر مقناطیسي ماین چاودنه شوې وه چې په پایله کې یې محبوبالله محبي له خپل سکرېټري سره ووژل شو.