د فېبرورۍ په نهمه د خیبر پښتونخوا د قانون وزیر سلطان محمد خان له هغه څو ساعته وروسته استعفا ورکړې چې پر ټولنیزو رسنیو په يوه خپره شوې ويډيو کې دی او یوڅو نور کسان د پیسو له ګېډیو سره ناست ښکاري.
اېکسپريس ټریبيون ورځپاڼې د دغه ویډیو په اړه ادعا کړې چې دا د ۲۰۱۸ز کال د سېنېټ تر ټاکنو وړاندې پټه اېستلې ده. دا ويډيو حکمران تحريک انصاف رسمي ټويټر پاڼې هم شريکه کړې ده.
یہ ہے وہ سینیٹ کی ہارس ٹریڈنگ جس کو روکنے کے لئے وزیراعظم عمران خان نے اس بات پر زور دیا کہ ووٹنگ اوپن ہونی چاہیئے اور یہی وہ وجہ ہے جسکی وجہ سے ن لیگ اور پیپلز پارٹی نے اسکی مخالفت کی کیوں کہ ان دونوں جماعتوں کی ہارس ٹریڈنگ خطرے میں ہے۔ pic.twitter.com/6RqeM439Vu
— PTI (@PTIofficial) February 9, 2021
په دې ويډيو کې د تحریک انصاف سلطان محمد خان، عبېد الله او ځینې نور د صوبایي اسمبلي غړي ښکاري. په ویډیو ګانو کې دا ښکاري چې ځېنې کسان د تحریک انصاف ګوند د غړیو مخې ته پر مېز د پېسو بڼډلونه ږدي.
له دغې ویډیو راتللو وروسته پرون وزیراعظم عمران پر خپله ټوېټر پاڼه لیکلي په دغه ویډیو ګانو کې هغه شرمناکه طریقه ښکاریږي چې سیاستوالان یې د سېنټ د ووټونو د اخېستلو لپاره استعمالوي.
په همدې حال کې د خېبر پښتونخوا وزیراعلی، محمود خان پر خپله ټویټر پاڼه د سلطان محمد خان د استعفا په خپرولو سره لیکلي چې د قانون د صوبایي وزیر استعفا یې ترلاسه کړې ده.
Resignation received from the Law Minister Sultan Mohammad Khan. pic.twitter.com/upU5o7qcS5
— Mahmood Khan (@IMMahmoodKhan) February 9, 2021
د خیبر پښتونخوا وزیراعلی د سیاسي چارو سلاکار او دصوباي اسمبلۍ غړي فضل الهي د فرورۍ په لسمه مشال راډيو ته وويل چې د دې ويډيو په اړه یې پلټنې پېل کړې چې په دې وخت کې انټرنیټته د راویستلو څه مقصد دی؟
دا ويډيو په داسې وخت کې مخې ته راغلې چې د پاکستان تحريک انصاف غواړي د سېنټ ټاکنې په ښکاره ډول ترسره شي. په پارليمان کې دوی په دې اړه ترميمي بيل وړاندې کړ خو د اپوزیشن د مخالفت له وجې پرې رایې وانه چول شوې.
تر دې وروسته، د پاکستان ولسمشر عارف علوي د يو فرمان له مخې دا امر وکړ چې د سېنټ ټاکنې دې په پټه نه بلکې په ښکاره ډول شوي.
تحريک انصاف وايي دوی غواړي په دې توګه د رايو د خرڅلاو مخه ونيسي خو اپوزیشن وايي حکمران ګوند دا د خپلې سياسي ګټې لپاره کوي او په خپلو غړو بې باوره دی چې ګواکي ووټ به خرڅ کړي.