په افغانستان کې یوه عدالت پر کابل پوهنتون په وسله وال برید کې د ککړتیا په تور یوه کس ته د مرګ د سزا حکم تایید کړی.
د ۲۰۲۰ز کال د نومبر پر دویمه پر کابل پوهنتون په حمله کې ۲۲ کسان ووژل او تر ۴۰ زیات ژوبل شول.
د هغې حملې ذمه واري داعش ډلې منلې وه.
د افغانستان د سترې محکمې ویاند احمد فهیم قویم د مارچ پر څلورمه ماښام مشال راډیو ته وویل چې په بګرام زندان کې د ترهګرو جرمونو د څېړنې استیناف عدالت پر کابل پوهنتون د برید کولو او د حملې د پلان جوړولو پر سر د عادل نومي کس د مرګ سزا تایید کړه.
دا هم وګورئ:
وسله والو په کابل کې استاد مولوي فایز په ډزو وژلیافغانستان پر کابل پوهنتون د خونړي برید ملي ویر کوي د پکتیا او ننګرهار زده کوونکو او فعالانو پر کابل پوهنتون برید وغاندهد نوموړي په خبره، عادل د آرش او طلحه په نومونو هم پېژندل کېږي.
قویم وايي، تر دې مخکې یوه ابتداییه عدالت عادل ته د مرګ سزا اورولې وه.
ده زیاته کړه چې د استیناف محکمې په نورو ترهګرو بریدونو کې د ککړتیا په تور د عادل د ملګري عبیدالله چې په حماد مشهور دی، د مرګ سزا هم پر ځای وساتله.