پر ډېورنډ کرښه د اغزن تار ټولنیز اغېز
ستاسې سېسټم د HTML5 په چلولو کې ستونزه لري.
د پاکستان حکومت له ۲۰۱۷ز کال راهیسې له افغانستان سره پر پوله د اغزن تار غځولو ته دوام ورکړی او وايي، دا کار به د سږکال تر پایه بشپړ شي. د قبایلي ضلعو او ورسره پر ډېورنډ کرښه د پرتو ولایتونو خلک وايي، کټارو یې د ژوند بېلا بېلې چارې ټکنۍ کړې دي او له مشکلاتو سره مخامخ دي. دوی وايي، ځمکې او جایدادونه ورڅخه پاتې شوي او د یو بل په غم، ښادۍ کې ګډون نشي کولای. د پاکستان او افغانستان حکومتونه له اغېزمنو خلکو سره د ژمنو مرسته کوي. پر ډېورنډ کرښه د اغزن تار د ټولنیز اغېز په اړه رپورټ واورئ.