افغانستان به پاکستانيو وګړو ته اوږدمهالې ویزې ورکوي: نجيب الله عليخېل

افغانستان د پاکستانيو وګړو لپاره د اوږدمهالو او ملټیپل ویزو جاري کولو يوه نوې تکلاره اعلان کړې ده.

په اسلام اباد کې د افغانستان سفير نجيب الله عليخېل د مې پر درېیمه مشال راډیو ته وویل، د نوي پاليسي په بنسټ د ویزو ورکول د مې مياشتې له درېيمې نېټې څخه پیل شوي دي.

عليخېل د ویزو نوی تګلارې د تفصيلاتو ورکولو په اړه وويل چې چکري/ټورسټي ويزه به ملټيپل او یوه کلنه وي او د قيام يا د پاتې کیدو موده به دوه مياشتې وي.

په افغانستان کې پاکستانيو زده کوونکو ته به د هغوی تحصيل دوران پورې ویزې ورکول کېږي او تمدید يې په افغانستان کې کولای شي.

نوموړي وايي، هغه پاکستاني وګړي چې میرمن يې د افغانستان او يا د ميرمنې خاوند سئ پاکستانی وي هغوی ته به ۵ کلنه ویزه ورکول کېږي.

عليخېل زياته کړه پاکستانيو سوداګرو ته به له يوه کال څخه تر پنځه کالو ویزې ورکول کېږي.

ده وویل، د تجارتي ویزو لپاره فیس هم اخېستل کېږي چې پاکستان هم د سوداګريزو ويزو لپاره فیس اخلي.

بشپړه راپور دې غږ پر ځای کې اورېدای شئ.

په اسلام اباد کې د افغانستان سفير نجیب الله

پاکستان هم پروسږ کال افغانانو لپاره يوه لبرال ویزه پاليسي اعلان کړی وه چې ترمخه يې افغان وګړو ته د اوږدې مودې او ملټي پل ویزې ورکول کېږي.

په کابل کې د پاکستان سفير منصور خان وړاندې ويلي ول چې سفارت يې هره ورځ ۲،۵۰۰ ویزې ورکوي.

د دواړو هېوادونو لخوا د ویزو نوي پاليسي به د خلکو تګ راتګ زيات او د سوداګرو ستونزه حل کړي.

بلخوا هغه یوشمېر پاکستاني وګړي چې د افغانستان له لارې سعودي عرب ته تلل غواړي هره ورځ په اسلام اباد کې افغان سفارت ته رجوع کوي.

سعودي عرب د کورونا وبا له کبله پاکستان او د ځینو نورو هېوادونو څخه د الوتکو په ورتلو بندیز لګولی دی.

دا هم وګورئ:

افغان سفير وايي, اوس هره ورځ شاوخوا ۱۵۰۰ ویزې ورکوي خو سعودي عرب او ځینې نورو هيوادونو ته د کابل له لارې تلونکي پاکستاني وګړي د ویزو په ترلاسه کولو کې د مشکلاتو شکايت کوي.

د افغان سفارت مخې ته د خلکو کنټرولولو لپاره پوليس ځای پر ځای کړل شوي دي.