محسن داوړ او ملګري يې د غورځنګ پر مهمو چوکيو نه دې پاته شوي: منظور پښتين

د پښتون ژغورنې غورځنګ مشر منظور پشتين وايي، د غورځنګ د ايين له مخې محسن داوړ او نور هغه کسان چې د نېشنل ډېموکرېټک موومنټ په نوم يې ګوند اعلان کړې، د پي ټي اېم مهم عهديدار نه دي پاته شوي. د پاکستان په قامي اسمبلۍ کې د شمالي وزيرستان محسن داوړ د سېپټمبر پر لومړۍ نيټه په پيښور کې د نېشنل ډېموکرېټک مومنټ په نوم سياسي ګوند اعلان کړی وو.د مشال رېډيو خبريال داود خټک له منظور پشتين سره مرکه کړې او په سر کې يې ورڅخه پوښتلي چې نوي ګوند جوړېدو ته يې غبرګون څه دی؟