د عوامي نیشنل ګوند د خيبر پښتونخوا ویاندې ثمر هارون بلور ادعا کړې چې ځايي انتظامیې "خط ورلېږلی" چې د ترهګریزو حملو د خطر له وېرې دې سیاستوالان خپلې هلې ځلې محدوده کړي.
هغې د مارچ پر پينځمه په پېښور کې خبريالانو ته وويل چې د تحريک انصاف حکومت بايد د سیاستوالانو فعاليتونو محدودولو پر ځای هغوي ته امنيت ورکړي. خو هغې له رسنيو سره خط شريک نه کړ البته دومره يې وويل چې خط ورته د سي سي پي او (کېپيټل سټي پوليس افسر) له خوا ترلاسه شوی دی.
تر اوسه د پېښور ځايي انتظامیې په دې اړه څه نه دې ويلي خو د مارچ پر پينځمه نېټه د پاکستان کورنيو چارو وزير شيخ رشيد په خبرې غونډه کې ويلي ول چې امنيتي ادارې د ترهګرۍ د هر خطر په وړاندې بېداره دي.
ہمیں خطوط دیے گئے ہیں کہ آپ اپنی سرگرمیاں محدود کریں لیکن وزیرداخلہ اور وزراء کہتے ہیں کہ پشاور میں کوئی تھریٹ الرٹ نہیں تھی۔ پشاور میں کئی خاندان تباہ ہوگئے اور آج وہ پوچھ رہے ہیں کہ جو زندہ ہیں انکی حفاظت کیلئے حکومت و ادارے کیا کررہے ہیں؟#PeshawarunderAttack pic.twitter.com/PtThKx47Lb
— Samar Haroon Bilour (@SamarHBilour) March 5, 2022
دا په داسې حال کې ده چې د مارچ پر څلورمه په پېښور کې پر امام بارګاه شوې ځانمرګي بريد کې ۶۲ کسان وژل شوي او له ۲۰۰ زیات پکې زخميان شوي ول. داعش وسله والې ډلې د بريد ذمه واري منلې وه.
ثمر بلور غوښتنه وکړه چې د بريد پلټنه دې وشي " په پېښه کې لاسلرونکي دې راڅرګند کړل شي او داسې سزا دې ورکړل چې په راتلونکې کې يو څوک د پېښور له اوسېدونکو سره د دغسې يو کار کولو څخه وډار شي"
تر دې وړاندې هم حکومت د نورو سياسي ګوندونو ترڅنګ د عوامي نېشنل پارټۍ مشرانو ته د وسله والو ډلو له خوا د هغو ژوند ته د ورپېښو خطرونو په اړه خطونه لېږلي دي.
د اې اېن پی مرکزي جنرل سېکټر میا افتخار حسين ته هم څو ځله دغسې خطونه لېږل شوي ول.