د مردان نرښځيان وايي پوليس يې کار ته نه پرېږدي

د خيبر پښتونخوا په مردان کې نرښځيان وايي چې د پوليس له خوا يې د لګول شويو "بنديزونو" له کبله روزګار خراب شوی دی. نرښځيانو په وروستيو کې په پېښور کې د مردان پوليسو مشر پر ضد خبري غونډه او احتجاجي مظاهره هم کړې وه او تور یې پورې کړی وو چې هغه ورته له مردانه د وتلو امر کړی دی. خو د مردان پوليس دغه تور ردوي او وايي چې نرښځيانو ته يي د نڅا تر محفلونو وړاندې په تاڼه کې د نومليکنې امر کړی وو. ویډیويي رپورټ.