د خيبر پښتونخوا د خیبر ضلعې په جمرود کې د امنیتي ځواکونو پر پوسته برید شوی خو پکې مرګژوبله نه ده اوښتې.
پولیس چارواکو مشال رېډیو ته وویل چې نامعلومو وسله والو دا بريد د اکتوبر پر دويمه د جمرود په ګودر سیمه کې وکړ خو په ځوابي ډزو کې د دوی په وينا، بريد کوونکي وتښتېدل.
د پېښې ذمه واري لا چا نه ده منلې.
دا په تېرو دوو میاشتو کې درېيم ځل دی چې د جمرود په ګودر سیمه کې د امنیتي ځواکونو پر پوستو برید کېږي.