ایا پوځ به په سیاست کې له مداخلې لاس واخلي؟

د پاکستان پوځ مشر جنرال قمر جاوېد باجوه ویلي دي چې پوځ په سیاسي چارو کې لاسوهنه نه کوي او غواړي په راتلونکې کې هم ورڅخه لیرې پاتې شي. باجوه دا خبره په امریکا کې د پاکستان په سفارت کې یوې غونډې ته د نارسمي خبرو پر مهال کړې ده. خو د پاکستان پوځ په اړه دا تاثر عام دی چې پر سیاسي، دفاعي او بهرنیو چارو پراخ نفوذ لري. موږ په اسلام اباد کې د انډېپېنډنټ ورځپاڼې له مدیر هارون رشید سره په سیاست کې د پوځ کردار په اړه خبرې کړې دي او ورڅخه مو پوښتلي چې ایا پوځ به واقعي په سیاسي چارو کې له مداخلې لاس واخلي؟ مرکه د غږ په ځای کې اورېدای شئ.