افغانستان د کرکټ په لومړۍ یو ورځنۍ لوبه کې سري لنکا ته په ۶۰ منډو ماته ورکړه.
د افغانستان د کرکټ ملي لوبډلې د نومبر پر ۲۵مه د درې یو ورځنیو لوبو د لړۍ په لومړۍ لوبه کې کوربه هیواد سري لنکا ته په ۶۰ منډو ماتې ورکړه.
د افغانستان لوبډلې د پچې تر ګټلو وروسته لومړی په خپله د بېټنګ کولو پرېکړه وکړه او په ۵۰ اورونو کې یې د ۸ لوبغاړو په سر ۲۹۴ منډې وکړې.
WHAT A WIN FOR AFGHANISTAN! 🙌#AfghanAtalan put on a clinical all-round performance as they backed up a disciplined batting performance with a superb bowling effort to beat @OfficialSLC by 60 runs in the 1st game and take a 1-0 lead in the three-match ODI series. #AFGvSL pic.twitter.com/yetWIF8qL0
— Afghanistan Cricket Board (@ACBofficials) November 25, 2022
د افغانستان له خوا رحمان الله ګربز او ابراهیم ځدراڼ د لوبې ښه پیل وکړ او دواړو په زړه پورې بازۍ وکړه.
رحمان الله ګربز په ۵۵ بالونو ۵۳ او ابراهیم ځدراڼ په ۱۲۰ بالونو ۱۰۶ منډې وکړې. تر هغه وروسته رحمت شاه ۵۲ او نجیب ځدراڼ ۴۲ منډې وکړ.
د سري لنکا له اړخه وینندو حسرنګا ډیسلوا تر ټولو ښه بالنګ وکړ او دوه لوبغاړي یې وسوځول.
د سري لنکا لوبډلې د ۲۹۵ منډو هدف ترلاسه کولو لپاره پوره هڅه وکړه خو د وکټونو په پرلپسې لویدو له کبله یې هدف ترلاسه نکړای شو.
سري لنکايي لوبډلې په ۳۸ اورونو کې ۲۳۴ منډې وکړې او ټول لوبغاړي یې وسوځېدل. د دې لوبډلو ترمنځ به دویمه لوبه د نومبر پر ۲۷مه او درېیمه د نومبر پر ۳۰مه ترسره کېږی.