خوست کې د ملګرو ملتونو په مرسته د بیارغونې پروژې روانې دي

په خوست کې د طالبانو د حکومت د ښاروالۍ چارواکي وايي، هلته د ملګرو ملتونو په مرسته د بیارغونې ۱۷ پروژې روانې دي چې پکې سلګونه کسانو ته د کار زمینه برابره شوې ده. دوی وايي، په هره پروژه د څه د پاسه یو لک امریکايي ډالرو لګښت راځي. دا په داسې حال کې ده چې دوه کاله مخکې پر افغانستان د طالبانو له واکمنېدو راهیسې له هغه هېواد سره نړیوالې مرستې کمې شوې دي او اقتصاد یې خراب شوی دی چې له کبله یې بې کاري زیاته شوې ده. ویډیويي رپورټ.