پر تورخم اوښتونکي کډوال د نامعلومه راتلونکې سره مخ دي
ستاسې سېسټم د HTML5 په چلولو کې ستونزه لري.
په تورخم کې هغه افغان کډوال افغانستان ته روان دي چې د پاکستان حکومت ورته د اکتوبر ۳۱مه نېټه د وتلو اخري نېټه ټاکلې وه. دغه خلک وايي د پاکستان حکومت ورسره زیاتی کړی ځکه چې د لسګونو کلونو ژوند د ټولولو لپاره یې ډير لږ وخت ورکړ. په دوی کې ځيني دا هم وايي چې د کډوالۍ اسناد یې درلودل خو بیا به هم پولیسو ترې پیسې اخیستلې. په دې اړه پاکستاني پولیسو څه نه دي ويلي خو د نګران حکومت چارواکي وايي يوازې غيرقانوني کډوال یې ایستلي دي. د دغو خلکو سره د مشال راډيو خبریال، فرهاد شينواري او عظمت علي شاه خبرې کړې دي. په دې ويډيو کې یې وګورئ.