ګردېز کې د ناروې کمېټۍ په مرسته جوړ روغتیايي مرکز کار پیل کړی دی

د پکتیا په مرکز ګردېز کې د میندو او ماشومانو د روغتیایي خدماتو لپاره د ناروې کمېټۍ په مالي مرسته جوړ مرکز کار پیل کړی دی. هغه مرکز د سیمې ښځو او ماشومانو ته ۲۴ ساعته وړیا خدمات ورکوي او په لازمو درملو سمبال دی. د سیمې خلک د هغه مرکز جوړېدو ته خوشاله دي او د ولایت په نورو سیمو کې هم د ورته مرکزونو جوړېدو غوښتنه کوي. دا په داسې حال کې چې د روغتیا نړیوال سازمان (ډبلیو اېچ او) ویلي چې د اسیا په کچه په افغانستان کې د زېږون په مهال تر ټولو زیاتې ښځې مري. تفصیل په ویډیویي راپور کې.